தஞ்சாவூரில் வீட்டுச் சுவர் விரிசலில் பதுங்கியிருந்த கண்ணாடி விரியன் பாம்பு வகையைச் சேர்ந்த 14 குட்டிகளை அருங்கானுயிர் காப்பு மற்றும் சுற்றுச்சூழல் அறக்கட்டைளையினர் பாதுகாப்பாக மீட்டனர்.
மாதாகோட்டை சாலை வங்கி ஊழியர் காலனியில் வசித்துவரும் கணேசன் என்பவரது வீட்டு சுற்றுச்சுவர் விரிசலில் பாம்பு இருப்பதாக வெள்ளிக்கிழமை (செப்.5) இரவு கிடைத்த தகவலின் அடிப்படையில், அருங்கானுயிர் காப்பு மற்றும் சுற்றுச்சூழல் அறக்கட்டளை (EWET) அமைப்பையச் சேர்ந்த சதீஷ்குமார், ராஜேந்திரன், அன்பொளி ஆகியோர் அடங்கிய மீட்புக்குழுவினர் அவ் வீட்டிற்கு விரைந்து ஆய்வு மேற்கொண்டனர்.
சிமெண்ட் தரையின் அடிப்பகுதியில் காணப்பட்ட விரிசலை பாதுகாப்பாக உடைத்து ஆராய்ந்தபோது, கண்ணாடிவிரியன் பாம்பு இனத்தைச் சேர்ந்த 14 குட்டிகள் கண்டுபிடிக்கப்பட்டன.
அக் குட்டிகள் பிறந்து சில நாட்களே ஆனவை. ஒவ்வொன்றும் சுமார் 15 செ.மீ. நீளமுடையவை. அப் பாம்புக் குட்டிகள் அனைத்தும் ஆபத்தின்றி மீட்கப்பட்டு, வனத்துறை மூலமாக பாதுகாப்பான வனப்பகுதியில் விடப்பட்டன என்கிறார் மீட்புக்குழுவைச் சேர்ந்த சதீஷ்குமார்.
Comments are closed.