இங்கிலாந்தை ‘மிரட்டிய’ சிராஜ்!

லண்டன் கெனிங்டன் ஓவல் மைதானத்தில் நடைபெற்ற ஆண்டர்சன் – சச்சின் டிராபி டெஸ்ட் தொடரின் இங்கிலாந்துக்கு எதிரான 5வது டெஸ்ட் போட்டியில் இந்திய அணி 6 ரன் வித்தியாசத்தில் ‘த்ரில்’ வெற்றி பெற்றது.

புயல் வேகத்தில் பந்து வீசி ‘மிரட்டிய’ சிராஜ், இந்திய அணியின் வெற்றிக்கு கை கொடுத்தார்.

ஓவல் மைதானத்தில் நடைபெற்ற ஐந்தாவது டெஸ்ட் போட்டியில், முதல் இன்னிங்சில் இந்தியா 224 ரன்களும், இங்கிலாந்து 247 ரன்களும் எடுத்தன. இரண்டாவது இன்னிங்சில் இந்தியா 396 ரன்கள் எடுத்து, இங்கிலாந்துக்கு 374 ரன்களை வெற்றி இலக்காக நிர்ணயித்தது.
நான்காவது நாள் முடிவில் இங்கிலாந்து 6 விக்கெட்டுகளை இழந்து 339 ரன்கள் எடுத்திருந்தது.

கடைசி நாள் ஆட்டத்தில்;, இந்திய வெற்றிக்கு 4 விக்கெட்டுகள், இங்கிலாந்துக்கு 35 ரன்கள் தேவைப்பட்டன. பிரிசித் கிருஷ்ணா ஓவரில் ஓவர்டன் வரிசையாக 2 பவுண்டரி அடிக்க, இலக்கு 27ஆக குறைந்தது.
அதன் பின்னர், வேகப்பந்து வீச்சாளர் சிராஜ் தனது மிரட்டலான பந்து வீச்சால் இங்கிலாந்தை திணறடித்து எதிர்பாராத திருப்பத்தை ஏற்படுத்தினார்.

இரண்டாவது இன்னிங்சில் இங்கிலாந்து அணி 367 ரன்னுக்கு ‘ஆல் அவுட்’ ஆகி தோல்வியை தழுவியது.

அதிக விக்கெட்டுகள் கைப்பற்றிய பவுலர் பட்டியலில் இந்தியாவின் முகமது சிராஜ் முதலிடம் பிடித்தார். இவர் இங்கிலாந்துக்கு எதிரான 5 டெஸ்டுகளில் மொத்தம் 23 விக்கெட்டுகள் சாய்த்துள்ளார் என்பது குறிப்பிடத்தக்கது.