போதைப் பொருள் பயன்படுத்திய வழக்கில் கைது செய்யப்பட்டு தற்போது ஜாமீனில் வெளியே வந்திருக்கும் நடிகர்கள் ஸ்ரீகாந்த், கிருஷ்ணா ஆகிய இருவருக்கும் அமலாக்கத்துறை சம்மன் அனுப்பியுள்ளது.
நடிகர் ஸ்ரீகாந்த் அக்.28ஆம் தேதியும், நடிகர் கிருஷ்ணா அக்.29ஆம் தேதியும் விசாரணைக்கு ஆஜராகுமாறு சம்மனில் தெரிவிக்கப்பட்டுள்ளது.
போதைப் பொருள் பயன்படுத்திய வழக்கில் நடிகர் ஸ்ரீகாந்த் (45) ஜுன் 23ஆம் தேதியும், நடிகர் கிருஷ்ணா (47) ஜுன் 26ஆம் தேதியும் கைது செய்யப்பட்டு சென்னை புழல் சிறையில் அடைக்கப்பட்டனர்.
அவ்விருவரும் ஜாமீன் கோரி சென்னை போதைப்பொருள் தடுப்பு சிறப்பு நீதிமன்றத்தில் தாக்கல் செய்த மனுக்கள் தள்ளுபடி செய்யப்பட்டதால், சென்னை உயர்நீதிமன்றத்தில் ஜாமீன் மனுக்கள் தாக்கல் செய்தனர். இதையடுத்து, அவ்விருவருக்கும் சென்னை உயர்நீதிமன்றம் ஜுலை 8ஆம் தேதி நிபந்தனை ஜாமீன் வழங்கியது.
இந்நிலையில், நடிகர் ஸ்ரீகாந்த் அக்.28ஆம் தேதியும், நடிகர் கிருஷ்ணா அக்.29ஆம் தேதியும் விசாரணைக்கு ஆஜராகுமாறு அமலாக்கத்துறை சம்மன் அனுப்பியுள்ளது குறிப்பிடத்தக்கது.
Comments are closed.