காவல்துறையினர் மீதான புகார்களை விசாரிக்க குழு அமைக்கக்கோரிய வழக்கில், மத்திய, மாநில அரசுகள் பதிலளிக்க சென்னை உயர்நீதிமன்ற மதுரை அமர்வு உத்தரவிட்டுள்ளது.
தமிழகத்தில் காவல்துறையினர் மீதான புகார்களை விசாரிக்க ஓய்வுபெற்ற நீதிபதி தலைமையில் தனிக் குழு அமைக்க உத்தரவிட வேண்டும் எனக்கோரி திருச்சியைச் சேர்ந்த அய்யாக்கண்ணு என்பவர் உயர்நீதிமன்ற மதுரை அமர்வில் மனு தாக்கல் செய்து இருந்தார்.
காவல் நிலையங்களுக்கு விசாரணைக் கைதிகளாக அழைத்துச் செல்லப்படும் நபர்கள் தாக்கப்பட்டு மரணமடைவது, பலத்த காயமடைவது போன்ற சம்பவங்கள் தொடர்பாக விசாரணை செய்ய ஓய்வுபெற்ற நீதிபதி தலைமையில் குழு அமைக்க உச்ச நீதிமன்றம் உத்தரவிட்டது. ஆனால், தமிழகத்தில் இதுவரை இத்தகைய குழு அமைக்கப்படவில்லை என அம் மனுவில் அய்யாக்கண்ணு குறிப்பிட்டிருந்தார்.
இம் மனுவை விசாரித்த உயர்நீதிமன்ற நீதிபதிகள் அனிதா சுமந்த், குமரப்பன் ஆகியோர், இவ்வழக்கு தொடர்பாக மத்திய, மாநில அரசுகள் பதிலளிக்க வேண்டும் எனக் கூறி வழக்கு விசாரணையை செப்டம்பர் 22ஆம் தேதிக்கு ஒத்தி வைத்தனர்.
Comments are closed.