மருத்துவமனையில் இருந்து வீடு திரும்பினார் நடிகர் தர்மேந்திரா!

உடல்நலக் குறைவால் மருத்துவமனையில் அனுமதிக்கப்பட்டிருந்த நடிகர் தர்மேந்திரா வீடு திரும்பியுள்ளதாக ப்ரீச் கேன்டி மருத்துவமனை மருத்துவர்கள் தெரிவித்துள்ளனர்.

பிரபல இந்தி நடிகர் தர்மேந்திரா இதய கோளாறு மற்றும் மூச்சுவிடுவதில் சிரமம் காரணமாக மும்பையில் உள்ள ப்ரீச் கேன்டி மருத்துவமனையில் அனுமதிக்கப்பட்டு நீண்ட நாள்களாக சிகிச்சையில் இருந்தார்.

இந்நிலையில், நேற்று (நவ.11) காலை அவர் உடலநலக் குறைவால் காலமானதாக உறுதிப்படுத்தப்படாத தகவல்கள் வைரலாகிய நிலையில், அவர் நலமுடன் இருப்பதாக அவரது மனைவியும் பாஜக எம்.பி.யுமான ஹேமமாலினி, அவரது மகள் நடிகை ஈஷா தியோல் உள்ளிட்டோர் உறுதிப்படுத்தினர்.

இதையடுத்து, அவருக்கு வீட்டிலேயே சிகிச்சை அளிக்க அவரது குடும்பத்தினர் முடிவு செய்துள்ளனர். அதனால், அவர் இன்று காலை 7.30 மணியளவில் டிஸ்சார்ஜ் செய்யப்பட்டதாகவும், அவருக்கு வீட்டிலேயே சிகிச்சை அளிக்கப்படும் என்றும் மருத்துவர் பிரதித் சம்தானி தெரிவித்துள்ளார்.