சூப்பர்ஸ்டார் ரஜினிகாந்த் நடிப்பில் நாளை (ஆகஸ்ட்14) வெளியாகவுள்ள கூலி ‘மாஸான பொழுதுபோக்கு நிறைந்த திரைப்படம்’ என தமிழக துணை முதல்வர் உதயநிதி ஸ்டாலின் தெரிவித்துள்ளார்.
அனைத்து தரப்பினரின் இதயங்களைக் கவரும் எனவும் அவர் நம்பிக்கை தெரிவித்துள்ளார்.
லோகேஷ் கனகராஜ் இயக்கத்தில் நடிகர்கள் நாகார்ஜுனா, ஆமீர்கான், உபேந்திர ராவ், சத்யராஜ், ஆகியோர் நடித்துள்ள கூலி திரைப்படம் மீது அதிக எதிர்பார்ப்பு எழுந்துள்ள நிலையில், அதன் சிறப்புக் காட்சியை கண்டு ரசித்த துணை முதல்வர் உதயநிதி ஸ்டாலின், ‘மாஸான பொழுதுபோக்கு திரைப்படம்’ என தனது எக்ஸ் தள பக்கத்தில் பதிவிட்டுள்ளார்.
“மாஸான பொழுதுபோக்கு திரைப்படத்தை நான் முழுமையாக ரசித்தேன். அனைத்து தரப்பினரின் இதயங்களைக் கவரும் என நம்புகிறேன்” எனத் தெரிவித்துள்ளார் உதயநிதி.
Comments are closed.