“சி.எம் ஸார், என்ன, மிரட்டிப் பார்க்குறீங்களா? இந்த பூச்சாண்டி வேலையெல்லாம் வேணாம். இதுக்கெல்லாம் பயந்தவன் இல்ல இந்த விஜய்,” என தமிழக வெற்றிக்கழகத் தலைவர் விஜய் தெரிவித்துள்ளார்.
நாகப்ட்டினம் புத்தூர் ரவுண்டானா பகுதியில் அண்ணா சிலை அருகே நடைபெற்ற பிரசார நிகழ்ச்சியில் கலந்து கொண்டு பேசிய தவெக தலைவர் விஜய்,
“உங்களுக்கு எந்த பிரச்சினையும் இருந்துவிடக் கூடாது என்பதற்காகத்தான் வார இறுதியில் பிரசாரம் மேற்கொள்கிறோம். ஆனால், நம் மக்களை சந்திக்க எத்தனை நிபந்தனைகள்? அங்கு பேசக் கூடாது, இங்கு பேசக் கூடாது என்று எத்தனை? நான் பேசுவதே வெறும் 3 நிமிடம்தான்.
அரியலூரில் சென்றபோது மின்தடை, திருச்சியில் பேசும்போது ஸ்பீக்கருக்கு செல்லும் வயர் கட். ஆர்எஸ்எஸ் தலைவர், பிரதமர் மோடியோ, உள்துறை அமைச்சர் அமித் ஷாவோ வந்தால், இப்படி செய்வீர்களா? செய்துதான் பாருங்களேன். முடியாது அல்லவா? நீங்கள் தான் மறைமுக உறவுக்காரர்கள் ஆச்சே.
இதையெல்லாம் விட, பஸ்ஸ விட்டு வெளியில் வரக்கூடாது, பேருந்துக்குள்ளேயே இருக்க வேண்டும், கையை இவ்வளவுதான் தூக்க வேண்டும், மக்களைப் பார்த்து சிரிக்காதே, கை அசைக்காதே… இப்படியெல்லாம் நிபந்தனைகள்” எனக்கூறிய விஜய், “சிஎம் ஸார், என்ன மிரட்டிப் பார்க்குறீங்களா?” எனக் கேள்வி எழுப்பினார்.
அதோடு, “இந்த பூச்சாண்டி வேலையெல்லாம் ;என்கிட்ட வேணாhம். இதெற்கெல்லாம் பயந்த ஆள் இல்லை இந்த விஜய்” என தொண்டர்களின் பலத்த ஆரவாரம் மற்றும் கரவோசைக்கிடையே தெரிவித்தார் விஜய்.
இந்த அடக்குமுறை எல்லாம் வேணாம். அதுக்கு நான் ஆள் இல்லை. மாபெரும் சக்திகளின் பிரதிநிதி” என்றார் விஜய்.
அவர் மேலும் பேசுகையில், “உங்களுக்கே இவ்வளவு இருந்தால், சொந்தமாக உழைச்சு சம்பாதிச்ச எனக்கு எவ்வளவு இருக்கும்?
2026ல் திமுக, தவெக இடையே மட்டும்தான் போட்டியே. இந்த பூச்சாண்டி வேலைகள் காட்டுவதை விட்டுவிட்டு தில்லா, கெத்தா நேர்மையாக தேர்தலை சந்திக்க வாருங்கள்..” என்றார் விஜய்.
Comments are closed.