பிரசார பயணத்தை தொடங்க தனி விமானம் மூலம் திருச்சி வந்தடைந்த தமிழக வெற்றிக் கழக தலைவர் நடிகர் விஜய்க்கு அக்கட்சித் தொண்டர்கள் உற்சாக வரவேற்பு அளித்தனர்.
காலை 10.30 மணிக்கு திருச்சி காந்தி மார்க்கெட் காவல் நிலைய எல்லைக்குட்பட்ட மரக்கடை எம்ஜிஆர் சிலை அருகே தனது பிரசாரத்தை தொடங்குவதற்காக தவெக தலைவர் விஜய் தனிவிமானத்தில் திருச்சி விமான நிலையம் வந்தடைந்தார்.
விஜய்-யை காண விமான நிலையத்தில் அதிகாலை முதல் ஏராளமான நிர்வாகிகள் மற்றும் தொண்டர்கள் நீண்ட வரிசையில் காத்திருந்தனர்.
கட்டுக்கடங்காத கூட்டம் வந்த காரணத்தால் உள்ளுர் காவல்துறையினர் மற்றும் தொழில் பாதுகாப்பு படையினர் தடுப்பு வேலி மற்றும் கயிறு கட்டி அவர்களை கட்டுப்படுத்தினர்.
தடுப்புகளைத் தாண்டி விமான நிலையத்திற்குள் தொண்டர்கள் நுழைந்தனர். விஜய், பிரசார வாகனத்தில் ஏறி புறப்பட்டதும் அவரை ஏராளமான தொண்டர்கள் பின் தொடர்ந்தனர்.
மேலும், தொண்டர்கள் சூழ்ந்த காரணத்தால் விஜய்-யின் பிரசார வாகனம் மெதுவாக ஊர்ந்து செல்லும் நிலை ஏற்பட்டது.
Comments are closed.