எடப்பாடி பழனிசாமி இன்று முதல் ‘முகமூடி’ பழனிசாமி என அழைக்கப்படுவார் என்று அமமுக பொதுச் செயலாளர் டிடிவி தினகரன் விமரிசித்துள்ளார்.
தில்லி பயணம் மேற்கொண்ட அதிமுக பொதுச் செயலாளர் எடப்பாடி பழனிசாமி, செவ்வாய்க்கிழமை இரவு உள்துறை அமைச்சர் அமித் ஷாவை நேரில் சந்தித்து ஆலோசனை நடத்தினார்.
ஆலோசனைக்கு பின்னர், அமித் ஷாவின் வீட்டை விட்டு காரில் வெளியேறிய எடப்பாடி பழனிசாமி, தனது முகத்தை மூடிக்கொண்டு செல்வதைப் போன்ற காணொலி இணையத்தில் வைரலாகி வருகிறது.
இது தொடர்பாக இன்று செய்தியாளர்கள் சந்திப்பில் பேசிய அமமுக பொதுச் செயலாளர் டிடிவி தினகரன், “பழனிசாமியை இன்று முதல் முகமூடியார் பழனிசாமி என அழைக்க வேண்டும். செப்டம்பர் 15 அன்று அண்ணா பிறந்த நாள் பொதுக்கூட்டத்தில், தன்மானம் தான் முக்கியம் என எடப்பாடி பழனிசாமி பேசினார்.
கூட்டணி கட்சித் தலைவரை தில்லியில் சந்தித்துவிட்டு, முகத்தை மூடிக்கொண்டு தலைவர் ஒருவர் வருவதை வரலாற்றில் யாரும் பார்த்ததில்லை.
அமித் ஷாவை சந்தித்தபிறகு மற்ற அதிமுக நிர்வாகிகளை அனுப்பிவிட்டு, சிறிது நேரத்திற்கு பிறகு தனது மகனுடன் பழனிசாமி வெளியேறியுள்ளார். முகத்தை இருவரும் மூடிக்கொண்டது ஏன் என அவர்தான் சொல்ல வேண்டும் எனத் தெரிவித்துள்ளார் டிடிவி தினகரன்;.
Comments are closed.