பொதுத் தேர்வில் தமிழில் 100 மதிப்பெண்கள் பெறும் மாணவர்களுக்கு ரூ.10,000 ஊக்கத்தொகை வழங்கப்படும் என தமிழக பள்ளிக் கல்வித் துறை அமைச்சர் அன்பில் மகேஸ் பொய்யாமொழி அறிவித்துள்ளார்.
சென்னையில் பள்ளிக் கல்வித் துறை சார்பில் கலந்து கொண்டு பேசிய அமைச்சர் அன்பில் மகேஸ், ‘பள்ளிக் கல்வித்துறை தன்னுடைய இலக்கை தாண்டி உழைத்து வருகிறது. பள்ளிக்கல்வித் துறை கட்டடங்கள் சாதியை ஒழிக்கும் கட்டடங்கள்’ என்றார்.
அன்புக் கரங்கள் மூலம் பல சிறப்பான திட்டங்கள் செயல்படுத்தப்பட்டு வருகின்றன என்றும், 2,715 பட்டதாரி ஆசிரியர்கள் பள்ளிக்கல்வித் துறை குடும்பத்தில் இணைந்துள்ளதாகவும் அமைச்சர் தெரிவித்தார்.
“பொதுத் தேர்வில் தமிழில் 100 மதிப்பெண்கள் எடுக்கும் மாணவர்களுக்கு ரூ.10,000 ஊக்கத்தொகை வழங்கப்படும்.
ஆசிரியர்களே 6 மாதத்தில் உங்களுக்கு பொதுத் தேர்வு வந்துவிடும். எங்களுக்கு பொதுத் தேர்தல் வந்துவிடும். நீங்களும் வெற்றிபெற வேண்டும். நாங்களும் வெற்றிபெற வேண்டும்.
நான் அரசியல் பேசவில்லை. அறிவுசார்ந்த விஷயத்தை கொண்டு செல்வதற்காகவே இங்கு பேசுகிறேன்,” என்றார் அமைச்சர் அன்பில் மகேஸ்.
Comments are closed.