தமிழக வருகையின்போது பிரதமர் மோடியை வரவேற்க செல்லாமல் முதல்வர் ஸ்டாலின் திட்டமிட்டு புறப்பணிப்பதாக தமிழக பாஜக முன்னாள் தலைவர் அண்ணாமலை குற்றஞ்சாட்டியுள்ளார்.
இதுகுறித்து திருச்சியில் செய்தியாளர்களுக்கு அண்ணாமலை அளித்த பேட்டி:
பிரதமர் மோடி ராமேஸ்வரம் வந்தபோது, தமிழக முதல்வர் ஸ்டாலின், அவரை அங்கு சென்று வரவேற்கவில்லை. புறக்கணிக்க வேண்டும் என்பதற்காகவே திட்டமிட்டு நிகழ்ச்சி இருப்பதுபோல ஏற்பாடு செய்து கொண்டு ஊட்டிக்கு போனார்.
அடுத்ததாக, சமீபத்தில் பிரதமர் மோடி கோவைக்கு வந்தார். அப்போதும் மரியாதை நிமித்தமாகக் கூட அவரை வரவேற்கவில்லை. பிரதமர் மோடி எதிர்க்கட்சிகள் ஆளும் மாநிலங்களுக்கு செல்லும்போது அங்கிருக்கும் முதல்வர்கள் பிரதமரை வரவேற்கின்றனர். பின், சந்தித்துப் பேசுகின்றனர்.
ஆனால், பிரதமரை சந்திப்பதை திட்டமிட்டு புறக்கணிக்கும் முதல்வர், கோவை, மதுரை மெட்ரோ ரயில் திட்டத்துக்கான அரைகுறை திட்ட அறிக்கையை மத்தி அரசு ஏற்க மறுத்தது என்றதும், அதை வைத்து அரசியல் செய்கிறார் என குற்றஞ்சாட்டினார் அண்ணாமலை.
Comments are closed.