திருச்சியில் இருந்து சார்ஜா புறப்பட்ட ஏர் இந்தியா விமானத்தில் இயந்திரக் கோளாறு ஏற்பட்டிருப்பது தக்க சமயத்தில் கண்டறியப்பட்டதால் அவ் விமானம் ஓடுபாதையில் அவசரமாக நிறுத்தப்பட்டது. இதனால், 150க்கு மேற்பட்ட பயணிகள் நல்வாய்ப்பாக உயிர் தப்பினர்.
திருச்சி விமான நிலையத்தில் இருந்து சார்ஜாவுக்கு இன்று (புதன்கிழமை) காலை 4.30 மணிக்கு புறப்பட விமானம் தயார் நிலையில் இருந்தது.
விமானம் ஓடுபாதைக்கு கொண்டுவரப்பட்டபோது திடீரென இயந்திரக் கோளாறு ஏற்பட்டிருப்தை விமானி கண்டறிந்தார். இதையடுத்து, ஓடுபாதையில் விமானம் அவசரமாக நிறுத்தப்பட்டது.
விமானத்தில் ஏற்பட்ட இயந்திரக் கோளாறை தக்க சமயத்தில் விமானி கண்டறிந்து நடவடிக்கை எடுத்ததால் அவ் விமானத்தில் பயணம் செய்ய இருந்த 150க்கு மேற்பட்ட பயணிகள் நல்வாய்ப்பாக உயிர் தப்பினர்.
இயந்திரக் கோளாறை சரிசெய்யும் பணியில் வல்லுநர்கள் குழு ஈடுபட்டு வருகிறது. பயணிகள் அனைவரும் விமானத்திற்குள்ளேயே அமர வைக்கப்பட்டுள்ளதால் அவர்கள் பெரும் சிரமத்துக்குள்ளாகி உள்ளதாகக் கூறப்படுகிறது.
Comments are closed.