அதிமுகவை யாராலும் ஒன்றும் செய்ய முடியாது. எங்களுக்கு ஆட்சி அதிகாரத்தைவிட அதிமுகவுக்கு தன்மானம்தான் முக்கியம் என அக்கட்சியின் பெதுச் செயலாளர் எடப்பாடி பழனிசாமி தெரிவித்துள்ளார்.
முன்னாள் முதல்வர் அண்ணாவின் பிறந்தநாளையொட்டி அதிமுக சார்பில் சென்னை தி.நகர் மற்றும் கோடம்பாக்கத்தில் திங்கள்கிழமை இரவு நடைபெற்ற பொதுக்கூட்டங்களில் எடப்பாடி பழனிசாமி பேசியதாவது:
அதிமுகவுக்கு துரோகம் செய்பவர்கள் நடரோட்டில் நிற்பார்கள். விலாசம் இல்லாமல் போய் விடுவார்கள். உயிரோட்டமுள்ள கட்சி. இது இறைவனால் உருவாக்கப்பட்ட கட்சி. ஏழைகளுக்காக தோற்றுவிக்கப்பட்ட கட்சி. குடும்பத்துக்காக உருவாக்கப்பட்டது அல்ல. யார் வேண்டுமானாலும் உயர்ந்த பதவிக்கு வர முடியும். கடசிக்கு துரோகம் செய்பவர்கள் யாராக இருந்தாலும் கடவுள் மன்னிக்க மாட்டார்.
அதிமுகவை யாராலும் ஒன்றும் செய்ய முடியாது. எங்களுக்கு ஆட்சி அதிகாரத்தைவிட தன்மானம்தான் முக்கியம். அதில் ஒரு இம்மியளவுகூட விட்டுக் கொடுக்க மாட்டேன். சிலரை கைக்கூலிகளாக வைத்துக் கொண்டு ஆட்டம் போடுகிறீர்கள். அவர்களை அடையாளம் காட்டிவிட்டோம். அதற்கு விரைவில் முடிவு கட்டுவோம்.
எனக்கு உறுதியான எண்ணம் உண்டு. உறுதியான மனநிலை உண்டு. எதற்கும் அஞ்சாத ஆற்றல் உண்டு. யாரும் என்னை மிரட்டிப் பார்க்க முடியாது என்றார் எடப்பாடி பழனிசாமி.
Comments are closed.