மாமல்லபுரத்தில் கடலில் மூழ்கிய 6 கோயில்களில் ஒரு கோயிலின் தடயங்கள் கிடைத்துள்ளதாக தொல்லியல்துறை கடல் ஆராய்ச்சி பிரிவின் கூடுதல் இயக்குநர் அப்ரஜிதா சர்மா தெரிவித்துள்ளார்.
இக்கோயில் பல்லவ மன்னர்களால் 7ஆம் நூற்றாண்டில் வடிவமைக்கப்பட்டது என்பது குறிப்பிடத்தக்கது.
மாமல்லபுரம் கடற்கரையில் கருங்கல்லினால் ஏழு கோயில்கள் வடிவமைக்கப்பட்டதாகவும், அவற்றில் 6 கோயில்கள் கடலில் மூழ்கிவிட்டதாகவும், கடற்கரை கோயில் மட்டும் தற்போது இருப்பதாகவும் கூறப்படுகிறது.
இந்நிலையில், தொல்லியல்துறையின் கடல் ஆராய்ச்சி பிரிவின் கூடுதல் இயக்குநர் அப்ரஜிதா சர்மா தலைமையில் 5 பேர் கொண்ட மத்திய தொல்லியல் துறை கடல் ஆராய்ச்சி குழுவினர் நவீன கருவி மூலம் கடலுக்கு அடியில் நடத்திய ஆராய்;ச்சியில் இக் கோயிலின் தடயங்கள் கண்டுபிடிக்கப்பட்து.
இக்குழுவினர் கவச உடை அணிந்து, கடற்கரை கோயிலுக்கு அருகில் 1 கி.மீ. தூரம் வரை கடலில் படகில் சென்று, மூழ்கிய கோயில் குறித்து ஆராய்ச்சி நடத்தினர்.
கேபிள் இணைப்புடன் கூடிய கடலுக்குள் மூழ்கி தேடும் நவீன தானியங்கி கருவியை 6 மீட்டர் ஆழத்தில் மூழ்கச் செய்து ஆராய்ச்சி நடத்தினர். அப்போது கடலில் மூழ்கிய கோயிலின் தடயங்களையும், பாசையுடன் உள்ள கருங்கல் கட்டுமானங்களையும் அக்கருவி துல்லியமான முறையில் வீடியோ, புகைப்படம் எடுத்து அனுப்பியது.
அவற்றை ரேடார் திரையில் பார்த்து, பல்லவர் காலத்தில் கடலில் மூழ்கிய ஒரு கோயிலின் கட்டுமானம் எனவும், உளியால் செதுக்கிய கற்களைக் கொண்டு வடிவமைக்கப்பட்ட சதுர வடிவிலான கட்டுமானங்கள் என்பதையும் தொல்லியல் துறையின் கடல் ஆராய்ச்சி அதிகாரிகள் உறுதி செய்துள்ளனர்.
இவை பல்லவர் காலத்தில் கட்டப்பட்டவையா என்பது குறித்து தொல்லியல் துறையின் அகழாய்வு துறை மூலம் பரிசோதனை செய்யப்பட உள்ளது.
ஞாயிற்றுக்கிழமை கடலின் சீற்றம், சீதோஷண நிலை, பருவநிலை மாற்றத்தால் சுமார் 4 மணி நேரம் மட்டுமே கடலில் ஆராய்ச்சி நடத்தப்பட்டது. இன்று (ஆக.18) மீண்டும் கடலில் ஆராய்ச்சி நடத்தப்பட உள்ளதாக தொல்லியல் துறையினர் தெரிவித்து உள்ளனர்.
Comments are closed.