காரில் இருந்த பாமக கொடியை அகற்றிய ராமதாஸ்!

பாட்டாளி மக்கள் கட்சி நிறுவனர் டாக்டர் ராமதாஸ், தனது காரில் இருந்த கட்சிக் கொடியை அகற்றிவிட்டு, வன்னியர் சங்கத்தின் கொடியை பொருத்தியுள்ளார்.

பாமக நிறுவனர் ராமதாஸ் மற்றும் கட்சியின் தலைவரான அன்புமணி இடையே மோதல்போக்கு நிலவி வரும் நிலையில், கட்சி நிர்வாகிகள் இரண்டாகப் பிரிந்து செயல்பட்டு வருகின்றனர்.

பாமகவின் அடிப்படை உறுப்பினர் பதவியில் இருந்து அன்புமணியை நீக்குவதாக டாக்டர் ராமதாஸ் கடந்த வாரம் அறிவித்தார். இதைத் தொடர்ந்து, தன்னை நீக்க ராமதாஸ்-க்கு எந்த அதிகாரமும் இல்லை என அன்புமணி தரப்பில் தெரவிக்கப்பட்டது.

இந்நிலையில், ராமதாஸ் தனது காரில் இருந்த கட்சிக் கொடியை அகற்றிவிட்டு, வன்னியர் சங்கக் கொடியை பொருத்தியுள்ளது அனைவரின் கவனத்தையும் ஈர்த்துள்ளது.

வன்னியர் இடஒதுக்கீட்டுக்கான போராட்டத்தில் உயிரிழந்த தியாகிகள் நாளை முன்னிட்டு, அவர்களுக்கு மரியாதை செலுத்தும் வகையில் வன்னியர் சங்க கொடியை டாக்டர் ராமதாஸ் பொருத்தியுள்ளார் என விளக்கம் அளிக்கின்றனர் அவருக்கு நெருக்கமானவர்கள்.

 

Comments are closed.