தமிழக வெற்றிக்கழக தலைவர் விஜய் செப்டம்பர் 13ஆம் தேதியன்று திருச்சி மரக்கடை பகுதியில் இருந்து பிரசார சுற்றுப் பயணத்தை தொடங்க காவல்துறை அனுமதி அளித்துள்ளது.
தமிழக முழுவதும் பிரசாரம் செய்வதற்காக செப்.13ஆம் தேதி தனது சுற்றுப் பயணத்தை தொடங்குவதாக தவெக தலைவர் விஜய் ஏற்கெனவே அறிவித்து இருந்தார்.
அன்றைய தினம், திருச்சியில் இருந்து தனது சுற்றுப் பயணத்தை தொடங்க உள்ளதாக அறிவித்திருந்தார். அதன்படி, சத்திரம் பேருந்து நிலையத்தில் விஜய் உரையாற்ற அனுமதி வழங்கக்கோரி தவெக சார்பில் மனு அளிக்கப்பட்டது. ஆனால், காவல்துறை அதற்கு அனுமதி அளிக்க மறுத்து விட்டது.
இதையடுத்து, மரக்கடை பகுதியில் இருந்து சுற்றுப் பயணத்தை தொடங்க அனுமதி வழங்கக்கோரி தவெக சார்பில் மீண்டும் மனு அளிக்கப்பட்டது.
இன்று காலை மனு அளித்த நிலையில், மாலையில் காவல்துறை அனுமதி அளித்துள்ளது. ஆனால், ரோடு ஷோ நடத்தக் கூடாது எனத் தெரிவித்துள்ளது.
செப்-13ஆம் தேதி தொடங்கி டிசம்பர் 20ஆம் தேதி வரை சுற்றுப் பயணம் மேற்கொள்கிறார் விஜய். ஒரே நாளில் 3 முதல் 4 மாவட்டங்களில் விஜய் சுற்றுப் பயணம் மேற்கொள்ளும் வகையில் திட்டமிடப்பட்டுள்ளது.
3 மாதங்களில் 16 நாட்கள் மட்டும் சுற்றுப்பயணம் மேற்கொள்கிறார். அதன்படி, சனிக்கிழமை மற்றும் ஞாயிற்றுக்கிழமைகளில் மட்டும் சுற்றுப் பயணம் மேற்கொள்ளும் விஜய், 15 சனிக்கிழமைகள் மற்றும் ஒரு ஞாயிற்றுக்கிழமை சுற்றுப் பயணம் மேற்கொள்வார் எனத் தெரிவிக்கப்பட்டுள்ளது.
Comments are closed.