‘போக்சோ’வில் மதபோதகர் கைது

டியூஷன் படிக்க வந்த மாணவியரிடம் பாலியல் அத்துமீறலில் ஈடுபட்ட 54 வயது மதபோதகர் போக்சோ சட்டத்தில் கைது செய்யப்பட்டார்.

செங்குன்றம் அடுத்த பம்மதுகுளம் பெருமாள்கோவில் தெருவைச் சேர்ந்தவர் விக்டர் என்ற காமராஜ் (54). மதபோதகர். சோழவரம் பகுதியில் பள்ளி மாணவ, மாணவியர்க்கு டியூஷன் எடுத்துவந்த விக்டர், மாணவியரிடம் பாலியல் அத்துமீறலில் ஈடுபட்டுள்ளார்.

இதுகுறித்து பாதிக்கப்பட்ட மாணவியரின் பெற்றோர் செங்குன்றம் அனைத்து மகளிர் காவல் நிலையத்தில் அளித்த புகாரின்பேரில், இன்ஸ்பெக்டர் பரணி விக்டரிடம் விசாரணை நடத்தினார். மேலும், அவரது மொபைல் போனை சோதனை செய்ததில், ஆபாச படங்களும் சிலரது புகைப்படங்களும் இருப்பது தெரிய வந்தது.

இதையடுத்து, பாலியல் வன்கொடுமை குற்றங்களில் இருந்து குழந்தைகளை காக்கும் சட்டமான ‘போக்சோ’வில் விக்டரை போலீஸார் கைது செய்தனர். பின்னர், அவர் பொன்னேரி நீதிமன்றத்தில் ஆஜர்படுத்தப்பட்டு, சிறையில் அடைக்கப்பட்டார்.