சூப்பர் ஸ்டார் ரஜினி நடித்து தற்போது வெளியாகியுள்ள ‘கூலி’ திரைப்படத்தைப் பார்க்கச் சென்ற குழந்தைகளுக்கு கோவையில் உள்ள திரையரங்கு ஒன்றில் அனுமதி மறுக்கப்பட்டதால், பெற்றோர் கடும் வாக்குவாதத்தில் ஈடுபட்டனர்.
கூலி படத்திற்கு ஏ சான்றிதழ் வழங்கப்பட்டுள்ளது. அரசு விதிகளின்படி, ஏ சான்றிதழ் வழங்கப்பட்ட திரைப்படத்தைக் காண 18 வயதிற்குட்பட்ட குழந்தைகளுக்கு தியேட்டரில் அனுமதி கிடையாது. பதினெட்டு வயதுக்கு மேற்பட்டவர்களுக்கு மட்டுமே அனுமதி வழங்கப்பட வேண்டும்.
இதை ஆன்லைனில் புக் செய்யும்போதே எச்சரிக்கையாகக் காட்டுவார்கள். அதையும் மீறி சில திரையரங்குகளில் 18 வயதுக்குட்பட்ட குழந்தைகளை அனுமதிப்பதாக புகார்கள் எழுந்துள்ளன.
இந்நிலையில், கோவையில் உள்ள ஒரு திரையரங்கில் குழந்தைகளுடன் சிலர் கூலி படம் பார்க்க சென்றுள்ளனர். அக் குழந்தைகளை அனுமதிக்க திரையரங்க நிர்வாகம் மறுத்ததால், படம் பார்க்கச் சென்றவர்கள் கடும் வாக்குவாதத்தில் ஈடுபட்டனர். இதனால் அங்கே பரபரப்பு ஏற்பட்டது.
இதையடுத்து, அங்கு வந்த காவல்துறையினர், வாக்குவாதத்தில் ஈடுபட்ட பெற்றோர்களை தடுத்து நிறுத்தி, திரும்பிச் செல்ல அறிவுறுத்தினர்.
Comments are closed.