மகளுக்கு பாலியல் வன்கொடுமை: தந்தைக்கு இரட்டை ஆயுள் தண்டனை!

மகளுக்கு மயக்க மருந்து கொடுத்து பாலியல் வன்கொடுமை செய்த தந்தைக்கு இரட்டை ஆயுள் தண்டனை விதித்து திருச்சி மகிளா நீதிமன்றம் தீர்ப்பளித்துள்ளது.

திருச்சி மாவட்டம் துவாக்குடி காவல் எல்லைக்குட்பட்ட பகுதியைச் சேர்ந்த 42 வயது நபர், அவரது 16 வயது மகளை கடந்த 2018 ஆகஸ்ட் 4ஆம் தேதி உணவில் மயக்க மருந்து கலந்து கொடுத்து பாலியல் வன்கொடுமை செய்துள்ளார். அதன்பிறகும் தொடர்ந்து பாலியல் வன்கொடுமை செய்துள்ளார்.

அதன் விளைவாக, அச்சிறுமிக்கு திருச்சி அரசு மருத்துவமனையில் கடந்த 2019 ஆகஸ்ட் 3-ஆம் தேதி குழந்தை பிறந்துள்ளது.

இதுகுறித்து அப்போதைய திருச்சி மாவட்ட குழந்தைகள் பாதுகாப்பு அலுவலலர் கீதா, திருவெறும்பூர் அனத்து மகளிர் காவல் நிலையத்தில் அளித்த புகாரின்பேரில், போலீஸார் வழக்குப்பதிந்து, தந்தையை கைது செய்தனர்.

இவ்வழக்கு திருச்சி மகிளா நீதிமன்றத்தில் நடைபெற்று வந்தது. வழக்கின் விசாரணை நிறைவடைந்த நிலையில், நீதிதபி ஷண்முகப்ரியா வியாழக்கிழமை தீர்ப்பளித்தார்.
இதில், மகளை பாலியல் வன்கொடுமை செய்த தந்தைக்கு இரட்டை ஆயுள் தண்டனையும், ரூ.20,000 அபராதமும் விதித்து உத்தரவிட்டுள்ளார். மேலும், தண்டனையை ஏக காலத்தில் அனுபவிக்கவும் உத்தரவிட்டுள்ளார்.