நடிகர் கமல்ஹாசனும் சூப்பர்ஸ்டார் ரஜினிகாந்தும், சுமார் 46 ஆண்டுகளுக்குப் பிறகு, தற்போது மீண்டும் இணைந்து தமிழ்த் திரைப்படம் ஒன்றில் நடிக்க உள்ளனர்.
லோகேஷ் கனகராஜ் இயக்கத்தில் வெளிவரவுள்ள இப்படத்தை மலின் RKFL நிறுவனம் தயாரிக்கிறது..
இயக்குநர் சிகரம் பாலசந்தர் இயக்கத்தில் 1976ல் வெளிவந்த ‘அபூர்வ ராகங்கள்’ தான் கமல்ஹாசன், ரஜினிகாந்த் ஆகிய இருவரும் முதன்முதலாக இணைந்து நடித்த திரைப்படம்.
அதன் பின்னர், முன்னணி நட்சத்திரங்களாக வளர்ந்து வந்த நிலையில், இயக்குநர் பாலசந்தரின் இயக்கத்தில் வெளியான ‘மூன்று முடிச்சு’, ‘அவர்கள்’, ‘தப்புத் தாளங்கள்’, பாரதிராஜா இயக்கத்தில் ’16 வயதினிலே’ உள்ளிட்ட பல படங்களில் இணைந்து நடித்துள்ளனர்.
இயக்குநர் வி.சசி இயக்கத்தில் 1979 வெளிவந்த அலாவுதீனும் அற்புத விளக்கும்’ என்ற திரைப்படம்தான் அவ்விருவரும் கடைசியாக இணைந்து நடித்த படம்.
அதன் பின்னர், கமல்ஹாசனும், ரஜினிகாந்தும் சுமார் 46 ஆண்டுகளுக்குப் பிறகு தற்போது மீண்டும் இணைந்து நடிக்க இருக்கின்றனர்.
அண்மையில் நடைபெற்ற சைமா விருது விழாவில் நடிகர் கமல்ஹாசன் இத் தகவலை உறுதி செய்தார்.
“நாங்கள் இருவரும் இணைந்து எப்பவோ நடித்திருக்க வேண்டும். வியாபார ரீதியாக நாங்கள் சேராமல் இருந்தோம். இப்போது அதற்கான சூழ்நிலை ஏற்பட்டுள்ளது” என கமல்ஹாசன் தெரிவித்தார்.
Comments are closed.