மகளிர் உலகக் கோப்பை கிரக்கெட் இறுதி ஆட்டத்தில், தென்னாப்பிரிக்காவுக்கு எதிரான போட்டியில் இந்திய அணி அபார வெற்றி அடைந்து சாம்பியன் பட்டத்தை வென்றுள்ளது.
ஐசிசி மகளிர் ஒருநாள் உலகக் கோப்பை இறுதி ஆட்டம், ஞாயிற்றுக்கிழமை மாலை நவி மும்பையில் உள்ள டி.ஒய்.பாட்டீல் கிரிக்கெட் திடலில் நடைபெற்றது.
இப்போட்டியில் டாஸ் வென்ற தென்னாப்பிரிக்க அணி பந்துவீச்சை தேர்வு செய்தது. இதனைத் தொடர்ந்து களமிறங்கிய இந்திய அணியினி வீராங்கனைகள் 50 ஓர்கள் முடிவில் 7 விக்கெட்டுகளை இழந்து 298 ரன்களை குவித்தனர். இதன்மூலம் சேஸிங்கில் களமிறங்கிய தென்னாப்பிரிக்காவுக்கு 299 ரன்கள் இலக்காக நிர்ணயிக்கப்பட்டது.
அடுத்து பேட் செய்த தென்னாப்பிரிக்க அணி 45.3 ஓர்வகளில் அனைத்து விக்கெட்டுகளையும் இழந்து 246 ரன்கள் மட்டுமே எடுத்தது. இதன்மூலம், இந்திய அணி 52 ரன்கள் வித்தியாசத்தில் தென்னாப்பிரிக்காவை வீழ்த்தி, ஐசிசி மகளிர் உலகக் கோப்பை கிரிக்கெட் போட்டியில் இந்திய அணி முதல்முறையாக சாம்பியன் பட்டத்தை வென்றுள்ளது.
சாம்பியனான இந்திய அணிக்கு ரூ.40 கோடி பரிசுத் தொகை வழங்கப்படவுள்ள நிலையில், பிசிசிஐ தரப்பில் ரூ.125 கோடி பரிசாக வழங்கப்படக்கூடும் என எதிர்பார்க்கப்படுகிறது.
Comments are closed.