கனடாவின் சர்ரே என்ற இடத்தில், ‘டிவி’யில் இந்தி காமெடி நிகழ்ச்சிகளை தொகுத்து வழங்கும் கபில் சர்மாவுக்கு சொந்தமான ‘கேப்ஸ் கபே’ என்ற உணவகத்தில் வியாழக்கிழமையன்று நடத்தப்பட்ட துப்பாக்கிச்சூடு சம்பவத்திற்கு என்.ஐ.ஏ., மற்றும் பஞ்சாப் போலீஸாரால் தேடப்பட்டு வரும் ரௌடி லாரன்ஸ் பிஸ்னோய் கும்பல் பொறுப்பேற்றுள்ளது.
மான் வேட்டையாடிய வழக்கு தொடர்பாக நடிகர் சல்மான் கானை, பிஷ்னோய் கும்பல் குறிவைத்து தாக்கி வருகிறது. ஏற்கெனவே மும்பையில் உள்ள அவரது வீட்டில் துப்பாக்சூடு நடத்தப்பட்டது.
அண்மையில், ‘நெட்பிளக்ஸ்’ தளத்தில் திரையிடப்பட்ட ‘த கிரேட் இந்தியன் கபில் ஷோ’ என்ற நிகழ்ச்சியில் சல்மான்கான் தோன்றினார். மேலும், கனடாவில் நடைபெற்ற கபில் சர்மாவின் உணவகத் திறப்பு விழாவிற்கும் சல்மான் கான் சென்றிருந்தார்.
இதனால், ஆத்திரமடைந்த பிஷ்னோய் கும்பல், அந்த உணவகம் மீது துப்பாக்கிச்சூடு நடத்தியதாக தற்போது ஆடியோ வெளியிட்டு உள்ளது.
Comments are closed.