இசையமைப்பாளர் இளையராஜாவுக்கு தமிழக அரசு சார்பில் செப்.13ஆம் தேதி சென்னையி; பாராட்டு விழா நடைபெறுகிறது.
இவ் விழாவில், நடிகர்கள் ரஜினிகாந்த், கமல்ஹாசன் உள்ளிட்ட திரை பிரபலங்கள் பங்கேற்கின்றனர்.
லண்டனில் நடைபெற்ற சிம்பொனி இசைக் கச்சேரிக்கு செல்லும் முன்பு இளையராஜாவை தமிழக முதல்வர் ஸ்டாலின் நேரில் சென்று சந்தித்து வாழ்த்து தெரிவித்தார்.
இதைத் தொடர்ந்து, சிம்பொனி இசைக் கச்சேரி முடிந்து மார்ச் 10ஆம் தேதி நாடு திரும்பிய இசையமைப்பாளர் இளையராஜாவை அரசியல் மற்றும் கலைத்துறையைச் சேர்ந்த பிரபலங்கள் விமான நிலையத்தில் வரவேற்றனர்.
தமிழக அரசு சார்பில், அமைச்சர் தங்கம் தென்னரசு இளையராஜாவை சந்தித்து இசைத்துறையில் அவர் செய்துள்ள சாதனைகளுக்கு பாராட்டு தெரிவித்தார்.
அதன் பின்னர், இளையராஜா தமிழக முதல்வர் மு.க.ஸ்டாலினை மார்ச் 13ஆம் தேதி அவரது இல்லத்திற்கு சென்று சந்தித்தார். அப்போது, இளையராஜாவுக்கு முதல்வர் ஸ்டாலின் பாராட்டுகளைத் தெரிவித்தார்.
அப்போது முதல்வர் ஸ்டாலின் தனது எக்ஸ் தளத்தில், இளையராஜாவின் அரை நூற்றாண்டு கால திரை இசைப் பயண சாதனையைப் போற்றும் வகையில் அவருக்கு தமிழக அரசு சார்பில் பாராட்டு விழா நடத்தப்படும் என அறிவித்தார்.
அதனடிப்படையில், இளையராஜாவுக்கு தமிழக அரசு சார்பில் செப்டம்பர் 13ஆம் தேதி பாராட்டு விழா நடைபெறுகிறது. இவ்விழாவில், நடிகர்கள் ரஜினிகாந்த், கமல்ஹாசன் உள்ளிட்ட திரைத்துறையினர் பங்கேற்கின்றனர்.
Comments are closed.