வாக்காளர் பட்டியல் சிறப்பு தீவிர திருத்தப் பணிகளை அதிமுகவினர் தீவிரமாக கண்காணிக்க வேண்டும் என அக்கட்சியின் பொதுச் செயலாளர் எடப்பாடி பழனிசாமி அறிவறுத்தியுள்ளார்.
சென்னை ராயப்பேட்டையில் உள்ள அதிமுக தலைமை அலுவலகத்தில் இருந்து காணொலி வாயிலாக நடைபெற்ற மாவட்டச் செயலாளர்கள் கூட்டத்தில் பேசிய எடப்பாடி பழனிசாமி,
தமிழகம் முழுவதும் எஸ்ஐஆர் பணிகள் தீவிரமாக நடைபெற்றுவருகின்றன. இதில் திமுவினர் தலையீடு இருப்பதாக தொடர்ந்து புகார்கள் வருகின்றன. எனவே திமுகவினர் எவ்வித குறுக்கீடும் செய்து முறைகேடான வாக்காளர்களைப் பட்டியலில் சேர்ப்பததைத் தடுக்க தீவிர விழிப்புடன் செயல்பட வேண்டும்.
சென்னை மற்றும் தென் மாவட்டங்களில் அதிமுகவினர் கண்காணிப்பு குறைவாக இருப்பதாக தலைமைக்கு தகவல் வந்துள்ளது. எஸ்ஐஆர் பணியில் கவனக்குறைவாக செயல்படும் கட்சி நிர்வாகிகள் மீது கடும் நடவடிக்கை எடுக்கப்படும் என எச்சரித்தார்.
முறையான வாக்காளர் பட்டியல் தயாரிக்க அதிமுகவினர் தீவிரமாகச் செயல்பட வேண்டும் என்றார் எடப்பாடி பழனிசாமி.
Comments are closed.