அரசு மருத்துவமனையில் புது மனைவியுடன் குத்தாட்டம் போட்ட டாக்டர்!

அரசு மருத்துவமனையில் நோயாளிகளை வெளியே அனுப்பிவிட்டு தனது புது மனைவியுடன் குத்தாட்டம் போட்ட டாக்டர் பணி இடைநீக்கம் செய்யப்பட்டுள்ளார்.

உத்தரப்பிரதேச மாநிலம் ஷாம்லி அரசு மருத்துவமனையில் பணிபுரியும் டாக்டர் அஃப்கார் சித்திக் என்பவருக்கு சில தினங்களுக்கு முன்பு திருமணம் நடைபெற்றது.

இந்நிலையில், அவரது மனைவி நேற்று முன்தினம் (நவ.20) டாக்டர் சித்திக்கை பார்ப்பதற்காக மருத்துவமனைக்கு வந்துள்ளார். அவசர சிகிச்சைப் பிரிவில் இருந்த டாக்டர் சித்திக், தனது மனைவியை கண்ட குதூகலத்தில் அவரைமுதல் மாடிக்கு அழைத்துச் சென்று, அங்கிருந்த நோயாளிகளை வெளியே அனுப்பிவிட்டு, தனது சட்டையை கழற்றிவிட்டு, மனைவியுடன் குத்தாட்டம் போட்டுள்ளார். மேலும் மனைவியை கட்டிப்பிடித்தபிடி கட்டிலுக்கு முன்னும் பின்னும் உருண்டு புரண்டுள்ளார்.

இக் காட்சியை அங்கிருந்த நோயாளிகள் தங்களது செல்ஃபோனில் வீடியோ பதிவு செய்து, அது சமூக வலைதளங்கில் வைரலானது.

இதையடுத்து, இச் சம்பவம் குறித்து விளக்கம் கேட்டு தலைமை மருத்துவ அலுவலர், டாக்டர் சித்திக்குக்கு நோட்டீஸ் அனுப்பினார். அதற்கு டாக்டர் சித்திக் அளித்த விளக்கம் திருப்திகரமாக இல்லாததால், அவர் பணி இடைநீக்கம் செய்யப்பட்டார்.