நிலத் தகராறில் ஏற்பட்ட முன்விரோதம் காரணமாக சேலம் மாவட்டம் கல்வராயன் மலை கருமந்துறை அருகே திமுக கிளைச் செயலாளர் வெள்ளிக்கிழமை இரவு மர்ம நபர்களால் சுட்டுக் கொல்லப்பட்டார்.
கருமந்துறை அருகேயுள்ள கிராங்காடு கிராமத்தைச் சேர்ந்த திமுக கிளைச் செயலாளர் ராஜேந்திரன் (46). ராஜேந்திரனுக்கும், பக்கத்து தோட்டத்தில் வசித்துவரும் அவரது உறவினர்கள் ராஜமாணி;க்கம், பழனிசாமி ஆகியோருக்கும் இடையே நிலத்தராறில் ஏற்பட்ட முன்விரோதம் இருந்து வந்துள்ளது.
இந்நிலையில், வெள்ளிக்கிழமை இரவு ராஜேந்திரன் தனது மனைவி சரிதாவுடன் மோட்டார் பைக்கில் வீட்டிற்கு சென்று கொண்டிருந்தபோது, வனப்பகுதியில் மறைந்திருந்த மர்ம நபர்கள் நாட்டு துப்பாக்கியால் சுட்டுள்ளனர். இதில் உடலில் பல இடங்களில் குண்டு பாய்ந்த ராஜேந்திரன் சம்பவ இடத்திலேயே உயிரிழந்தார்.
இதுகுறித்து தகவலறிந்த கல்வராயன் மலை கரியக்கோயில் மற்றும் கருமந்துறை போலீஸார் இச் சம்பவம் குறித்து வழக்குப் பதிந்து, விசாரணை மேற்கொண்டு வருகின்றனர்.
நிலத்தகராறில் திமுக கிளைச் செயலாளர் சுட்டுக் கொல்லப்பட்ட சம்பவம் கல்வராயன் மலை பகுதியில் பரபரப்பை ஏற்படுத்தியுள்ளது.
Comments are closed.