நாட்டின் இரண்டாவது மிக உயர்ந்த அரசியலமைப்பு பதவிக்கான தேர்தலில் தேசிய ஜனநாயக கூட்டணி வேட்பாளரான சி.பி.ராதாகிரஷ்ணனுக்கு எதிர்பார்த்ததைவிட கூடுதலான வாக்குகள் பதிவாகியுள்ளன. இதன்மூலம், எதிர்க்கட்சி எம்.பி.க்கள் கட்சி மாறி வாக்களித்து இருப்பது தெரிய வந்துள்ளது.
மக்களவை மற்றும் மாநிலங்களவை ஆகிய இரண்டிலும் தற்போதைய பலத்தின்படி, தேசிய ஜனநாயக கூட்டணி எம்.பி.க்கள் மூலம் பதிவாகும் வாக்குகள் அடிப்படையில், சி.பி.ராதாகிருஷ்ணன் 427 வாக்குகள் பெறுவார் என எதிர்பார்க்கப்பட்டது.
ஜெகன்மோகன் ரெட்டியின் ஒய்ஆர்எஸ் காங்கிரஸ் (11 எம்.பி.க்கள்) ஆதரவுடன், அவருக்கு 438 வாக்குகள் கிடைத்திருக்கும். இது தவிர, சுயேச்சைகள் மற்றும் நடுநிலை எம்.பி.க்களின் வாக்குகளைக் கணக்கிட்டால் அவருக்கு 449 வாக்குகள் தான் கிடைத்திருக்க வேண்டும். ஆனால், அவர் மொத்தம் 452 வாக்குகள் பெற்று வெற்றி பெற்றுள்ளார்.
அப்படியெனில், சி.பி.ராதாகிருஷணன் குடியரசு துணைத் தலைவராக வேண்டும் என்ற எண்ணத்தில் அவருக்கு சார்பான நிலையை எடுத்துள்ள எதிர்க்கட்சி எம்.பி.க்கள்தான் கட்சி மாறி வாக்களித்திருக்க வேண்டும்.
அவர்கள் தமிழகத்தைச் சேர்ந்த கட்சிகளில் இருந்தோ அல்லது மகாராஷ்டிரத்தின் உத்தவ் தாக்கரே சிவசேனை அல்லது வேறு கட்சிகளைச் சேர்ந்தவர்களாக இருக்கலாம்.
குடியரசு துணைத் தலைவர் தேர்தல் ரகசிய வாக்கெடுப்பு மூலம் நடத்தப்படுவதால், கட்சி கொறடாக்களுக்கும் எம்.பி.க்கள் கட்டுபடத் தேவையில்லை. இது, கட்சி மாறி வாக்களிப்பதற்கு சாதமாகி இருக்கிறது என்பது குறிப்பிடத்தக்கது.
Comments are closed.