ரசிகர்களை ஏமாற்றிய ரஜினியின் ‘கூலி’!

பலத்த எதிர்பார்ப்புடன் இன்று வெளியான ‘கூலி’ திரைப்படம் பெரும் ஏமாற்றத்தை அளித்துள்ளதாக தங்களது மனக்குமுறல்களை சமூக வலைத்தளங்களில் பதிவிட்டுள்ளனர் ரஜினி ரசிகர்கள்.

சூப்பர்ஸ்டார் ரஜினிகாந்த திரைப்படத்துறையில் நடிகராக அடியெடுத்து வைத்து இன்றுடன் 50 ஆண்டுகள் ஆகின்றன.

இப் பொன்விழா ஆண்டில், ரஜினி நடித்த ‘கூலி’ திரைப்படம் ரசிகர்களின் பலத்த எதிர்பார்ப்புகளுக்கு மத்தியில் இன்று வெளியாகியுள்ளது.

தமிழகத்தில் முதல் காட்சி காலை 9 மணிக்குதான் என்றாலும், அண்டை மாநிலங்களான கேரளா மற்றும் கர்நாடகத்தில் காலை 6 மணிக்கு துவங்கிய முதல் காட்சி முடிந்து படத்தின் விமரிசனங்கள் சமூக வலைத்தளங்களில் கொட்ட ஆரம்பித்துவிட்டன.


இயக்குநர் லோகேஷ் கனகராஜுடன் ரஜினிகாந்த் இணைந்த முதல் படம் என்பதால் பலருக்கும் அதிக எதிர்பார்ப்புகள் இருந்தன. ஆனால், கூலி திரைப்படத்தைப் பார்த்த பலரும் சமூக வலைத்தளங்களில் எதிர்மறையான விஷயங்களையே கூறி வருகின்றனர்.


முக்கியமாக, நட்சத்திரங்களை மட்டும் நம்பி கதையை விட்டுவிட்டார்கள். லோகேஷ் கனகராஜின் மோசமான திரைப்படம் இதுதான் என்பன போன்ற ஆதங்கமான பதிவுகளையே சமூக வலைத்தளங்களில் காணமுடிகிறது.

 

Comments are closed.