கூட்டணிக்காக எல்லாவற்றையும் இழக்க முடியாது: கே.எஸ்.அழகிரி

கூட்டணி என்ற பெயரில் எல்லவாற்றையும் இழந்துவிட முடியாது என காங்கிரஸ் கட்சியின் முன்னாள் மாநிலத் தலைவர் கே.எஸ்.அழகிரி தெரிவித்துள்ளார்.

கடலூர் மாவட்டம் விருத்தாசலத்தில் நடைபெற்ற மேற்கு மாவட்ட காங்கிரஸ் செயற்குழு கூட்டத்தில் அவர் பேசியதாவது:

நாம் அதிக இடங்களில் போட்டியிட வேண்டும். ஆட்சியில் பங்குபெற வேண்டும். இது கூட்டணிக்கு எதிரான கருத்து அல்ல.

முதல்வர் ஸ்டாலின் சிறப்பானவர். அதற்காக, கூட்டணி என்ற பெயரில் எல்லாவற்றையும் இழந்துவிட முடியாது. இக் கூட்டணியை விரும்புகிறேன். அடுத்த முதல்வராக ஸ்டாலின் வர வேண்டும். அதுபோல், நாமும் வளர வேண்டும் என கே.எஸ்.அழகிரி தெரிவித்தார்.