திருச்சியில் உள்ள தமிழக அமைச்சர்கள் கே.என்.நேரு, அன்பில் மகேஸ் பொய்யாமொழி ஆகியோரது வீடுகளுக்கு வெடிகுண்டு மிரட்டல் விடுக்கப்பட்டுள்ளது.
திருச்சி மாநகர காவல்துறை ஆணையர் அலுவலகத்துக்கு இன்று வந்த மின்னஞ்சலில் திருச்சியில் உள்ளாட்சி நிர்வாகத்துறை அமைச்சர் கே.என்.நேரு, பள்ளிக்கல்வித்துறை அமைச்சர் அன்பில் மகேஸ் பொய்யாமொழி ஆகியோருடைய வீடுகளில் வெடிகுண்டு வைக்கப்பட்டுள்ளதாகவும், இன்னும் சற்று நேரத்தில் வெடித்துச் சிதறும் எனவும் தெரிவிக்கப்பட்டிருந்தது.
இதையடுத்து, போலீஸார் மற்றும் வெடிகுண்டு நிபுணர்கள் தில்லை நகரில் உள்ள அமைச்சர் கே.என்.நேருவின் வீடு மற்றும் அண்ணா நகரில் உள்ள அமைச்சர் அன்பில் மகேஸ் பொய்யாமொழி வீடு ஆகிய இடங்களில் தீவிர சோதனை மேற்கொண்டனர். ஆனால் இவ்விரு இடங்களிலும் வெடிகுண்டுகள் எதுவும் கண்டறியப்படவில்லை. எனவே இவ் வெடிகுண்டு மிரட்டல் வெறும் புரளி என்பது தெரிய வந்துள்ளது.
Comments are closed.