தில்லி குண்டு வெடிப்பில் காயமடைந்த நோயாளி ஒருவருக்கு பிரதமர் மோடியின் வருகையை முன்னிட்டு கூடுதலாக கையில் கட்டு போடப்பட்டிருந்த புகைப்படம் வெளியாகி கடும் விமரிசனத்துக்கு ஆளாகியுள்ளது.
டெல்லி செங்கோட்டை மெட்ரோ நிலையம் அருகே கடந்த திங்கள்கிழமை இரவு நிகழ்ந்த குண்டு வெடிப்பில் 12 பேர் உயிரிழந்தனர். இதில் காயமடைந்து எல்என்ஜேபி மருத்துவமனையில் அனுமதிக்கப்பட்டு பலர் சிகிச்சைப்பெற்றுவந்த நிலையில், அதில் ஒருவர் இறந்ததால் உயிரிழப்பு எண்ணிக்கை 13ஆக உயர்ந்தது.
சம்பவம் நடைபெற்ற அன்று இரவு தில்லி முதல்வர் ரேகா குப்தா மருத்துவமனைக்கு சென்று காயமடைந்தவர்களை சந்தித்தார்.
இந்நிலையில், பூட்டானில் திரும்பிய பிரதமர் மோடி நேற்று எல்என்ஜேபி மருத்துவமனைக்குச் சென்று காயமடைந்தவர்களை சந்தித்தார். இது தொடர்பான புகைப்படங்கள் வெளியாகின.
தில்லி முதல்வர் ரேகா குப்தா சந்தித்தபோது காலில் கட்டு போடப்பட்டிருந்த நோயாளிக்கு நேற்று மோடி சந்திக்கும்போது கூடுதலாக கையில் கட்டு போடப்பட்டிருந்தது.
இப் புகைப்படங்களை பகிர்ந்த ஆம் ஆத்மி மூத்த தலைவர் சௌரப் பரத்வாஜ் இரு புகைப்படங்களிலும் உள்ள வேற்றுமையை குறிப்பிட்டு இது அவசர அவசரமாக எடுக்கபட்ட Photo shoot தான் என விமரிசித்துள்ளார்.
Comments are closed.