ஸ்மார்ட் மீட்டர் ஊழல் – பொதுநல வழக்கு போடப்படும்: இபிஎஸ்

ரூ 30,000 கோடிக்கு ஸ்மார்ட் மீட்டர் வைப்பதில் மிகப்பெரிய ஊழல் நடைபெற இருக்கிறது என அதிமுக பொதுச் செயலாளர் எடப்பாடி பழனிசாமி குற்றஞ்சாட்டியுள்ளார்.

முழுமையான டெண்டர் விவரங்கள் வெளியான பிறகு இதைத் தடுக்க அதிமுக சார்பில் பொதுநல வழக்கு போடப்பபடும் எனவும் அவர் தெரிவித்துள்ளார்.

சேலத்தில் செய்தியாளர்களிடம் பேசிய எடப்பாடி பழனிசாமி, எஸ்.ஐ.ஆர்-ஐ நிறுத்த வேண்டும் என்பதற்காக திமுக பல்வேறு காரணங்களை கூறிவருகிறது. எஸ்ஐஆர் பணிக்கு ஒரு மாத காலம் போதுமானது. முறைகேடாக வாக்காளர்களை சேர்ப்பது திமுகவுக்கு கைவந்த கலை.

இந்த கட்சி, அந்த கட்சி என பார்க்காமல், நேர்மையான முறையில் வாக்காளர்கள் இடம்பெற வேண்டும். திமுக எதிர்ப்பு தெரிவித்துவிட்டு, பிஎல்ஓவுடன் திமுகவினர் சென்று வருகின்றனர். மற்ற கட்சியினரைவிட திமுகவினர்தான் அதிகம் சென்று வருகின்றனர். இதை நாங்கள் கவனித்துக் கொண்டுதான் உள்ளோம் என எடப்பாடி பழனிசாமி தெரிவித்தார்.