பருவமழை காரணமாக தமிழகத்தில் தற்போது சுவாச பாதிப்பு, இன்ஃப்ளுயன்ஸா காய்ச்சல் பரவி வரும் நிலையில், முதியவர்களும் இணை நோயாளிகளும் அவசியம் ஏற்பட்டால் தடுப்பூசி செலுத்திக் கொள்ள வேண்டும் என்று பொது சுகாதாரத்துறை அதிகாரிகள் தெரிவித்துள்ளனர்.
குளிர் காலத்தில் ஆர்எஸ்வி (Respiratory syncytial virus) எனப்படும் சுவாசப் பாதை தொற்று மற்றும் இன்ஃப்ளுயன்ஸா தொற்று பரவி வருகிறது. குழந்தைகளும், 65 வயதுக்கு மேற்பட்ட முதியவர்களுக்கும் தொற்றின் தாக்கம் தீவிரமாக உள்ளது. அறிகுறிகள் மற்றும் நோயின் தீவிரத்தைப் பொருத்து அவர்களுக்கு சிகிச்சை அளிக்க வேண்டும்.
அதன்படி, லேசான காய்ச்சல், இருமல், தொண்டை வலி, உடல் வலி உள்ளவர்களுக்கு பரிசோதனை தேவையில்லை. ஓசல்டாமிவிர் மருந்துகளும் அவர்களுக்கு அவசியமில்லை. வீட்டிலேயே தனிமைப்படுத்திக் கொண்டால் போதுமானது.
முதியவர்கள், இணை நோயாளிகள், நோய் எதிர்ப்பாற்றல் குறைந்தவர்கள் பொது இடங்களுக்கு செல்லும்போது முகக்கவசம் அணிதல் அவசியம். அதேபோன்று தேவைப்பட்டால் நிமோனியா தொற்றுக்கான தடுப்பூசி செலுத்திக் கொள்ளலாம் என சுகாதாரத்துறை அதிகாரிகள் தெரிவித்துள்ள்னர்.
Comments are closed.