கேரள நடிகர் சங்கமான ‘AMMA’ அமைப்பின் தலைவர் பதவிக்கான தேர்தலில் நடிகை ஸ்வேதா மேனன் வெற்றிபெற்றார்.
இதன் மூலம், 31 ஆண்டுகளாக செயல்பட்டு வரும் கேரள நடிகர் சங்கத்தின் முதல் பெண் தலைவராக ஸ்வேதா மேனன் தேர்வாகியுள்ளார்.
நிதி ஆதாயத்திற்காக ஆபாசத் திரைப்படங்களில் நடித்ததாக அவர் மீது அண்மையில் வழக்கு பதிவு செய்யப்பட்ட நிலையில், அதற்கு எதிராக வழக்குத் தொடர்ந்து இடைக்காலத் தடை பெற்றிருந்தார் ஸ்வேதா மேனன்.
இந்நிலையில், கேரள திரையுலகில் சர்ச்சைக்கு மத்தியில் நடிகர் சங்கத் தலைவராக ஆகியுள்ளார் ஸ்வேதா மேனன். இவருக்கு முன்னதாக, நடிகர் மோகன்லால் அப் பதவியில் இருந்தார் என்பது குறிப்பிடத்தக்கது.
Comments are closed.