13 வயதேயான இளம் கார் பந்தய வீரரிடம் ஆட்டோகிராஃப் வாங்கி அசத்திய நடிகர் அஜித்!

திரைத்துறையில் கொடி கட்டி பறந்த காலத்திலும், பொதுவெளியில் எந்தவொரு பந்தாவும் இல்லாமல் சாதாரண சராசரி மனிதனாக நடந்து கொள்ளும் இயல்புடையவர் நடிகர் அஜித்.

தற்போது ஜெர்மனியில் நடைபெறும் கார் பந்தயத்தில் பங்கேற்ற நடிகர் அஜித், அவரிடம் ஆட்டோகிராஃப் வாங்க அவரது ரசிகர்கள் காத்திருக்க, எவரும் சற்றும் எதிர்பாராத வகையில், இமானுவேல் ஜேடன் என்ற 13 வயதேயான இளம் கார் பந்தய வீரரிடம் ஆட்டோகிராஃப் வாங்கி அனைவரையும் அசத்தியுள்ளார்.

நடிகர் அஜித் கடைசியா நடித்து வெளிவந்த ‘குட் பேட் அக்லி’ திரைப்படம் மாபெரும் வெற்றி பெற்றது. அப் படத்திற்கு பிறகு, கார் ரேஸ் போட்டியில் கவனம் செலுத்தி வருகிறார் அஜித்.
அஜித் நடிக்கும் அடுத்த திரைப்படமான AK65 படத்தை ஆதிக் ரவிச்சந்திரன் இயக்குகிறார்.

இந்நிலையில், தற்போது ஜெர்மனியில் நடைபெற்றுவரும கார் ரேஸில் அஜித் பங்கேற்று வருகிறார். அங்குள்ள ரசிகர்கள் அஜித்தை சந்தித்து தங்களது மகிழ்ச்சியை வெளிப்படுத்தி வருகின்றனர்.


தனது ரசிகர்கள் மத்தியில் பேசிய அஜித், “கார் ரேஸை பிரபலப்படுத்துங்க. எனக்காக அல்ல. இங்கு கார் பந்தயத்தில் ஈடுபடும் இந்திய வீரர்களை முன்னிலைப்படுத்துங்க. நிச்சயம் ஒருநாள் இந்திய வீரர்களும் ஃபார்முலா ஒன் கார் ரேஸ் மட்டுமல்ல அனைத்து விதமான ரேஸ் போட்டிகளிலும் இந்திய வீரர்கள் சாம்பியன் ஆவார்கள்” என்றார்.

அதன் பின்னர், இமானுவேல் ஜேடன் என்ற 13 வயதேயான இளம் கார் பந்தய வீரரிடம் ஆட்டோகிராஃப் வாங்கினார். இவ் வீடியோ தற்போது இணையத்தில் வைரலாகி வருகிறது.

Comments are closed.