கோவில் நிதியை தவறாக பயன்படுத்தினால்… அறநிலையத்துறை எச்சரிக்கை

சட்டத்தின் பல்வேறு பிரிவுகளில் அனுமதிக்கப்பட்ட செலவினங்களுக்கு மட்டுமே கோவில் நிதியை பயன்படுத்த வேண்டும். மீறினால், நடவடிக்கை எடுக்கப்படம் என அதிகாரிகளுக்கு இந்து சமய அறநிலையத்துறை எச்சரிக்கை விடுத்துள்ளது.

இதுகுறித்து இந்து சமய அறநிலையத்துறை ஆணையர் ஸ்ரீதர், அனைத்து கோவில் இணை ஆணையர்கள் மற்றும் செயல் அலுவலர்களுக்கு அனுப்பியுள்ள சுற்றறிக்கை:

நீதிமன்ற உத்தரவின்படி, சட்டப்பிரிவு 86ன் கீழ் அங்கீகரிக்கப்பட்ட வரவு-செலவு திட்டத்தில் அனுமதிக்கப்பட்ட தொகை மற்றும் அறநிலையத்துறை சட்டத்தின் பல்வேறு பிரிவுகளில் அனுமதிக்கப்பட்ட செலவினங்களுக்கு மட்டுமே கோவில் நிதியைப் பயன்படுத்த வேண்டும்.

இதுபோக இருப்பில் உள்ள கோவில் நிதி மற்றும் உபரி நிதியை பயன்படுத்தி கட்டடங்கள் கட்டும்போது, அறநிலையத்துறை சட்டப்பிரிவுகள் 35,36,36ஏ, 36பி, 66 ஆகியவற்றில் தெரிவிக்கப்பட்ட நோக்கத்திற்கு மட்டுமே பயன்படுத்த வேண்டும்.

அதை மீறி செயல்படும் கோவில் அதிகாரிகள் மீது சட்டவிதிகளின்படி நடவடிக்கை எடுக்கப்படும் என அச் சுற்றறிக்கையில் ந்து சமய அறநிலையத்துறை ஆணையர் ஸ்ரீதர் எச்சரித்துள்ளார்.