சோனியா, ராகுல் மீது எப்ஐஆர் பதிவு

நேஷனல் ஹெரால்டு வழக்கில், அமலாக்கத்துறை அதிகாரிகள் புகாரின்பேரில், காங்கிரஸ் மூத்த தலைவர் சோனியா, காங்கிரஸ் எம்.பி.ராகுல் காந்தி உள்ளிட்ட 6 பேர் மீது டில்லி பொருளாதார குற்றப்பிரிவு போலீஸார் புதிதாக எப்ஐஆர் பதிவு செய்துள்ளனர்.

நேஷனல் ஹெரால்டு என்ற பத்திரிகையை ஏ.ஜே.எல் எனப்படும் ‘அசோசியேட்டட் ஜர்னல்ஸ் லிமிடெட்’ நிறுவனம் நடத்தி வந்தது. நிதி நெருக்கடியில் சிக்கிய இந் நிறுவனத்தை ரூ.50 லட்சத்துக்கு ‘யங் இந்தியன்ஸ்’ என்ற நிறுவனம் வாங்கியது. ‘யங் இந்தியன்ஸ்’ நிறுவனத்தில், காங்கிரஸ் முன்னாள் தலைவர்களான சோனியா, அவருடைய மகனான ராகுல் முக்கிய பங்குதாரர்களாக உள்ளனர். காங்கிரஸ் மூத்த தலைவர்கள் பலரும் இந் நிறுவனத்தில் இயக்குநர்களாக உள்ளனர்.

ஏஜேஎல் நிறுவனத்தின் பலகோடி ரூபாய் மதிப்புள்ள சொத்துக்களை பறிக்கும் வகையில், இப் பரிவர்த்தனை நடந்ததாக பாஜ மூத்த தலைவர் சுப்ரமணியன்சுவாமி 2014ல் வழக்கு தொடர்ந்தார். இதை மாஜிஸ்திரேட் நீதிமன்றம் 2012ல் ஏற்றுக் கொண்டது. இதில் நடந்துள்ள பண மோசடி தொடர்பாக அமலாக்கத்துறை முறைப்படி வழிக்குப் பதிந்து விசாரணை நடத்தி வருகிறது.

இது தொடர்பாக 751 கோடி ரூபாய் மதிப்புள்ள சொத்துக்களை அமலாக்கத்துறை முடக்கி வைத்துள்ளது. சமீபத்தில் இவ் வழக்கில் சோனியா, ராகுல் உள்ளிட்டோர் மீது குற்றப்பத்திரிகை தாக்கல் செய்யப்பட்டுள்ளது. தில்லியில் உள்ள சிறப்பு நீதிமன்றம் விசாரணை நடத்தி வருகிறது.

இந்நிலையில், அமலாக்கத்துறை அதிகாரிகள் அளித்த புகாரின்பேரில், காங்கிரஸ் மூத்த தலைவர் சோனியா, காங்கிரஸ் எம்.பி.ராகுல் உள்ளிட்ட 6 பேர் மீது தில்லி பொருளாதார குற்றப்பிரிவு போலீஸார் புதிதாக எப்ஐஆர் பதிவு செய்துள்ளனர்.