‘டிட்வா’ புயல் காரணமாக பெய்துவரும் கனமழை மற்றும் நிலச்சரிவு இலங்கையை புரட்டிப் போட்டுள்ளது. இந்நிலையில், இலங்கைக்கு 80 டன் எடையுள்ள நிவாரணப் பொருள்களை இந்தியா வழங்கியுள்ளது.
இலங்கையில் கனமழை மற்றும் நிலச்சரிவு காரணமாக இதுவரை இறந்தவர்களின் எண்ணிக்கை 85ஆக உயர்ந்துள்ளது. மேலும், மாயமான 21 பேரை தேடும் பணி தொடர்ந்து நடைபெற்று வருகிறது. 600க்கும் மேற்பட்ட வீடுகள் சேதமடைந்துள்ளதோடு, 44,000க்கும் மேற்பட்ட மக்கள் பாதிக்கப்பட்டு உள்ளதால் வெள்ளம் பாதித்த பகுதிகளில் மீட்பு பணிகளுக்காக 20,500 ராணுவ வீரர்கள் களமிறக்கப்பட்டுள்ளனர்.
இந்நிலையில், டிட்வா புயலால் பாதிக்கப்பட்ட இலங்கையில் ‘ஆபரேஷன் சாகர் பந்து’ மீட்பு நடவடிக்கையை இந்தியா தொடங்கியது. தார் பாய்கள், போர்வைகள், சுகாதாரப் பொருள்கள் மற்றும் உணவுப் பொருள்கள் உள்ளிட்ட 80 டன் நிவாரணப் பொருள்களை ஏற்றிச் சென்ற இந்திய விமானப் படையின் விமானம் கொழும்பில் தரையிரங்கியது என வெளியுறவுத்துறை அமைச்சர் ஜெய்சங்கர் எக்ஸ் தளத்தில் பதிவிட்டுள்ளார்.
Comments are closed.