பிரதமர் மோடிக்கு மிரட்டல் விடும் வகையில் அவதூறாகப் பேசிய திமுக மாவட்டச் செயலரை கைது செய்யாவிட்டால் பாஜக சார்பில் போராட்டம் நடத்தப்படும் என தமிழக பாஜக தலைவர் நயினார் நாகேந்திரன் எச்சரித்துள்ளார்.
இதுகுறித்து அவர் வெளியிட்டுள்ள அறிக்கை:
திமுக தென்காசி தெற்கு மாவட்டச் செயலாளர் ஜெயபாலன் அப்பகுதியில் நடைபெற்ற கூட்டத்தில் பிரதமர் நரேந்திர மோடிக்கு மிரட்டல் விடுக்கும் வகையில் பேசியிருப்பது கண்டனத்துக்குரியது.
அவரைக் கைது செய்யக்கோரி பாஜக சார்பில் தென்காசி, சங்கரன்கோவில், நாகர்கோவில், தூத்துக்குடி, மதுரை, தேன, காஞ்சிபுரம் உள்ளிட்ட மாவட்டங்கிளல் காவல்துறையிடம் புகார் அளிக்கப்பட்டுள்ளது. ஆனால், காவல்துறை வழக்குப் பதியாமல் இருப்பது கண்டனத்துக்குரியது.
அவர் மீது உடனடியாக வழக்குப் பதிந்து கைது செய்ய வேண்டும். இல்லையெனில், பாஜக சார்பில் போராட்டங்கள் நடத்தப்படும் என நயினார் நாகேந்திரன் தெரிவித்துள்ளார்.
Comments are closed.