தமிழ் சினிமாவின் பழம்பெரும் நடிகர் சிவக்குமாருக்கு தமிழ்நாடு இயல், இசை மற்றும் கவின் பல்கலைக்கழகம் சார்பில் மதிப்புறு முனைவர் பட்டம் வழங்கப்பட்டது.
சென்னை கலைவாணர் அரங்கில் இன்று நடைபெற்ற பட்டமளிப்பு விழாவில் நடிகர் சிவக்குமாருக்கு மதிப்புறு முனைவர் பட்டத்தை தமிழக முதல்வர் மு.க.ஸ்டாலின் வழங்கினார்.
1965ஆம் ஆண்டு வெளியான ‘காக்கும் கரங்கள்’ திரைப்படம் மூலம் தமிழ் சினிமாவில் அறிமுகமானார் நடிகர் சிவக்குமார். 1967ஆம் ஆண்டு வெளியான ‘கந்தன் கருணை’ திரைப்படம் தான் அவருக்கு பெரும் பிரபலத்தைப் பெற்றுத் தந்தது.
நடிகர் சிவக்குமார் கடைசியாக நடித்த திரைப்படம் 2001ஆம் ஆண்டு வெளியான ‘பூவெல்லாம் உன் வாசம்’. சின்னத்திரையிலும் அவர் நடித்துள்ளார் என்பது குறிப்பிடத்தக்கது. தற்போது நடிப்பை நிறுத்திவிட்டு சொற்பொழிவு நிகழ்ச்சிகளில் பங்கேற்று வருகிறார்.
Comments are closed.