பாகிஸ்தானின் முன்னாள் பிரதமர் இம்ரான் கான் சிறையில் கொல்லப்பட்டு விட்டதாக சமூக ஊடகங்களில் தகவல்கள் வெளியாகி வருவதாக அவரது மகன் காசிம் குற்றஞ்சாட்டியுள்ளார். மேலும், இவ்விவகாரத்தில் உலக நாடுகள் தலையிட வேண்டும் என்றும் அவர் வலியுறுத்தியுள்ளார்.
இது தொடர்பாக காசிம் வெளியிட்டுள்ள அறிக்கையில்,
கடந்த 6 வாரங்களுக்கு மேலாக தனிமைச் சிறையில் அடைக்கப்பட்டுள்ள இம்ரான் கானின் நிலை குறித்து பாகிஸ்தான் அரசு எந்த தகவலையும் வெளியிடவில்லை. குடும்பத்தினரை கூட அவரை சந்திக்க அனுமதிக்கவில்லை. இது நீதிமன்ற உத்தரவை மீறிய செயலாகும்.
என்னுடைய தந்தையை கைது செய்து 845 நாட்கள் ஆகின்றன. கடந்த ஆறு வாரங்களாக தனிமைச் சிறையில் அடைக்கப்பட்டுள்ளார். நீதிமன்ற உத்தரவுகள் இருந்தும் இம்ரான் கானின் சகோதரிகள் அவரை சந்திக்க முடியவில்லை.
இது பாதுகாப்பு நடைமுறை அல்ல, ஒரு திட்டமிட்ட அரசியல் நடவடிக்கை. தார்மீக ரீதியாக இம்ரான் கானைப் பற்றி அரசு பதில் சொல்ல வேண்டும் எனக் கூறியுள்ளார்.
இவ் விவகாரத்தில் சர்வதேச மனித உரிமை ஆணையம் உள்ளிட்ட அமைப்புகள் தலையிட வேண்டும் எனவும் காசிம் வலியுறுத்தியுள்ளார்.
Comments are closed.