மீண்டும் மக்கள் சந்திப்பு நிகழ்ச்சி: நாளை முதல் தொடங்கும் விஜய்!

தமிழக வெற்றிக் கழகத் தலைவர் விஜய் நாளை (நவ.23) முதல் மீண்டும் மக்கள் சந்திப்பு நிகழ்ச்சிகளைத் தொடங்குகிறார்.

இதுகுறித்து அக் கட்சியின் பொதுச் செயலாளர் புஸ்ஸி ஆனந்த் வெளியிட்டுள்ள அறிக்கையில்,

காஞ்சிபுரம் மாவட்டத்தில் உள்ள ஜேப்பியார் கல்லூரி வளாகத்தில் காலை 11 மணிக்கு உள்ளரங்கு கூட்டமாக நடைபெற உள்ளது. காஞ்சிபுரம் மாவட்டத்தைச் சேர்ந்த க்யூஆர் குறியீட்டுடன் உள்ள நுழைவுச் சீட்டு அளிக்கப்பட்டுள்ள 2,000 பேர் மட்டுமே அனுமதிக்கப்படுவர்.

வேறு யாருக்கும் அனுமதி கிடையாது. கழகத் தோழர்களும் பொதுமக்களும் இதற்கு முழு ஒத்துழைப்பு தருமாறு அன்புடன் கேட்டுக் கொள்கிறேன் எனக் குறிப்பிட்டுள்ளார்.