தேர்தல் ஆணையம் பாஜகவின் ஓர் அணியாக செயல்படுவதாக கரூர் மக்களவை உறுப்பினர் செ.ஜோதிமணி குற்றஞ்சாட்டியுள்ளார்.
கரூரில் செய்தியாளர்களிடம் பேசிய அவர், பாஜக ஆளும் அஸ்ஸாமில் ஒரு நிலைப்பாட்டையும், பாஜக ஆளாத எதிர்க்கட்சிகள் உள்ள மாநிலங்களுக்கு ஒரு நிலைப்பாட்டையும் தேர்தல் ஆணையம் எடுத்துள்ளதாகவும், பாஜகவின் ஓர் அணியாக தேர்தல் ஆணையம் செயல்படுவதாகவும் குற்றஞ்சாட்டினார்.
விஜய்யின் தவெகவும், காங்கிரஸ் கட்சியும் வரும் தேர்தலில் கூட்டணி அமைக்க உள்ளதாக சமூக வலைதளங்களில் தவறான தகவலை பரப்புகிறார்கள் எனக் கூறிய ஜோதிமணி, “இப்போதும் திமுக கூட்டணியில் தான் இருக்கிறோம். கட்சியின் மேலிடம் தான் கூட்டணி குறித்து எப்போதும் முடிவு செய்யும்” என்றார்.
Comments are closed.