பிகார் சட்டமன்றத் தேர்தலில் தனித்துப் போட்டியிட்ட ஹைதராபாத் எம்.பி.அசாதுதீன் ஒவைசியின் அகில இந்திய மஜ்லிஸ் கட்சி மீண்டும் 5 இடங்களில் வெற்றிபெற்று தனது செல்வாக்கை தக்க வைத்துள்ளது.
தேர்தலுக்கு முன்பு எதிர்க்கட்சிகள் அணியில் இணைய மஜ்லிஸ் கட்சி விருப்பம் தெரிவித்து கடிதம் எழுதியது. ஆனால் ராஷ்ட்ரீய தளம், காங்கிரஸ் கூட்டணி அதைப் புறக்கணித்தது. இதையடுத்து அக் கட்சி தனித்துப் போட்டியிட்டது.
எதிர்க்கட்சிகள் கூட்டணியில் சேர்க்காததால் அதிருப்தி அடைந்த ஒவைசி, பிகாரில் தனது கட்சி 100 தொகுதிகளில் போட்டியிடும் என அறிவித்தார். ஆனால், 32 இடங்களில் தான் அக்கட்சி போட்டியிட்டது. முஸ்லிம்கள் அதிகம் வசிக்கும் சீமாஞ்சல் பகுதியைக் குறிவைத்த ஒவைசி அங்கு 5 தொகுதிகளில் வெற்றிபெற்று தனது செல்வாக்கை மீண்டும் தக்கவைத்துக் கொண்டார்.
பிகாரில் இதற்கு முந்தைய சட்டப் பேரவைத் தேர்தலில் ஒவைசி கட்சி 19 இடங்களில் போட்டியிட்டு 5 இடங்களில் வெற்றி பெற்றது. ஆனால், அதில் 4 எம்எல்ஏக்கள் ஆளும் ஐக்கிய ஜனதா தளத்தில் இணைந்தனர்.
Comments are closed.