உண்டியல் திருட்டை தடுக்க முயன்ற ராஜபாளையம் நச்சாடைத் தவிர்த்தருளிய சுவாமி கோவிலின் இரவுக் காவலர்கள் இருவர் வெட்டிக் கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது.
விருதுநகர் மாவட்டம் ராஜபாளையம் நச்சாடைத் தவிர்த்தருளிய சுவாமி கோவிலின் இரவுக் காவலர்கள் பேச்சிமுத்து (50), சங்கரபாண்டியன் (65) ஆகிய இருவரும் நேற்றிரவு பாதுகாப்பு பணியில் இருந்தனர். இந்நிலையில் அவ்விருவரும் அடையாளம் தெரியாத நபர்களால் வெட்டிக் கொலை செய்யப்பட்டு இறந்து கிடந்தனர். கோயிலின் உண்டியல் சேதமடைந்து இருந்தது.
எனவே, கோயிலின் உண்டியல் பண திருட்டைத் தடுக்க முயன்றபோது அடையாளம் தெரியாத கொள்ளையர்களால் கொலை செய்யப்பட்டிருக்கலாம் என போலீஸார் கருதுகின்றனர்.
இந்து சமய அறநிலையத்துறை கட்டுப்பாட்டில் உள்ள இக்கோயிலில் நடைபெற்றுள்ள இச் சம்பவம் பக்தர்களிடையே பெரும் அதிர்ச்சியை ஏற்படுத்தியுள்ளது.
இதுகுறித்து தகவலறிந்த போலீஸார,; தடயவியல் நிபுணர்கள் மற்றும் மோப்பநாய் உதவியுடன் சம்பவ இடத்தைப் பார்வையிட்டு ஆய்வு செய்து, விசாரணை மேற்கொண்டு வருகின்றனர்.
Comments are closed.