தென்காசி மாவட்டம் இடைகால் அருகே இன்று காலை 11 மணியளவில் இரண்டு தனியார் பேருந்துகள் நேருக்கு நேர் மோதி விபத்துக்குள்ளானதில் ஐந்து பெண்கள் உள்பட 6 பேர் உயிரிழந்தனர். 40 பயணிகள் காயமடைந்தனர்.
விபத்துக்குள்ளான பேருந்துகளில் ஒரு பேருந்து தென்காசியில் இருந்து ராஜபாளையம் சென்று கொண்டிருந்தது. மற்றொரு பேருந்து கோவில்பட்டியில் இருந்து தென்காசி நோக்கி வந்து கொண்டிருந்தது.
அவ்விரு பேருந்துகளும் இடைகால் அருகே வந்து கொண்டிருந்தபோது ஒரு பேருந்து அதன் ஓட்டுநரின் கட்டுப்பாட்டை இழந்து எதிரே வந்த மற்றொரு பேருந்து மீது இடித்துள்ளது.
இரண்டு பேருந்துகளிலும் முழு அளவில் பயணிகள் இருந்துள்ளனர். இதனால் பாதிப்பு அதிக அளவில் இருந்துள்ளது. இவ் விபத்தில் ஒரு பேருந்தின் முன் பகுதியும் மற்றொரு பேருந்தின் பின் பகுதியும் கடுமையாக சேதமடைந்தது.
விபத்து நடந்ததும் அப் பகுதியில் இருந்த பொதுமக்கள் உடனடியாக விரைந்து சென்று மீட்புப் பணியில் ஈடுபட்டனர். விபத்துக்குள்ளான பேருந்துகளில் சிக்கி, காயமடைந்தவர்கள் உடனடியாக மீட்கப்பட்டு அருகில் உள்ள மருத்துவமனைகளுக்கு கொண்டு செல்லப்பட்டனர். தென்காசி அரசு மருத்துவமனையில் 25 பேர் அனுமதிக்கப்பட்டுள்ளனர்.
Comments are closed.